CARTA AO POBO DE COMBARRO

Estimados veciñ@s:

Despois de moitos anos de loita, por fin, o pobo de Combarro empeza a ser partícipe da ilusión de ter un equipo de fútbol, a nosa afección apoia, berra, sinte as cores da nosa entidade. Os bombos, os aturuxos da xente aínda seguen soando nas nosas cabezas, a ilusión polo ascenso continúa no pensamento dos nosos siareiros.

Somos ambiciosos e melloramos ano tras ano. Queremos conquistar os nosos obxectivos e ademáis queremos chegar aos vosos corazóns. A SD COMBARRO quere facerte participe dos nosos soños e para elo animate a apoiarnos, necesitámoste, faite socio.

O noso equipo pertence aos socios, sen eles nada sería posible, polo que unha vez máis nós queremos demostrarlle o noso agarimo. A SD COMBARRO pensa en ti, na afección, e para demostracho agasalla a cada socio cunha camisola. Queremos que nos veñas ver, que disfrutes co teu equipo.

Para poñelo máis facil, proximamente poderás levarte a SD COMBARRO a casa, o noso equipo estrea portal web; http://www.sdcombarro.org, que prentende ser unha ventá a nosa entidade, moito máis moderna, máis sinxela e con máis contidos que o noso anterior blog. Nela poderás segui-los nosos resultados, coñecer a nosa clasificación, opinar sobre o que te interese e, como non, solicitar o voso carné de socios.

XA NON TES ESCUSA, MÓVETE, FAITE SOCIO!!.

Atentamente, a directiva